ЈОУ КУЛТУРЕН И ИНФОРМАТИВЕН ЦЕНТАР - БИТОЛА

Објектот „Кино Манаки“ е сместен во срцето на Широк сокак на речиси истата локација која браќата Манаки во 1921 г. ја купиле и оддржале првата летна кино проекција. Веќе 1922 г. започна градбата на нивното кино „Манаки“, кое беше пионерски потфат во тоа време и место за разонода на битолчани. Кино “Манаки“ минувајќи низ разни премрежја своето пионерско патување го заврши во 1939 г. во голем пожар во кој изгорел до темел. Благодарение на иницијативноста на културните работниции и Општина Битола, со поддршка на Министерството за култура и европски фондови, на истата локација е изградена реплика на историското Кино „Манаки“, со современи услови за кино проекции кое официјално е пуштен во употреба во 2021 г. На овој начин Битола, им се одолжува на своите сограѓани браќата Манаки и ја продолжува традицијата на негување на филмската култура која започна пред повеќе од 100 години. Денеска објектот „Кино Манаки“ е место на бројни филмски проекции и јавни настани и дел од ЈОУ Културен и информативен центар Битола.