Офицерски дом, седиштето на ЈОУ Културен и информативен центар Битола, располага со повеќе сали и изложбени простории.

• Кристална сала
  На приземјето се наоѓа таканаречената „Кристала сала“ со капацитет од 100 седишта, која е наменета за промоции, изложби, предавања, презентации, проекции, музички настани и коктели.
• Свечена сала
  На првиот спрат се наоѓа велелепната „Свечена сала“ на Офицерскиот дом со капацитет од 140 седишта , каде се наоѓа и концертниот клавир „Безендорфер“ .
  Оваа сала е наменета за музичко-сценски настани, промоции, изложби, танци, образовни и други настани од јавен карактер.
  Салата има помошни простории кои им овозможуваат на изведувачите место за подготовка.
• Техничка поддршка
  ЈОУ Културен и информативен центар Битола располага со соопствено озвучување, видео проектор и стручен тим, како поддршка на настаните кои се случуват во објектите на КИЦ Битола.
• Источна галерија
  На вториот спрат се наоѓа „Источната галерија“ која е наменета за ликовни изложби и визуелени проекти.
• Алтернативен галериски простор
  Во подрумските простории на Офицерскиот дом, се наоѓа „Алтерантивниот галериски простор“ кој овозможува поставување на ликовни, мултимедијални и
  други аудио-визулени поставки и проекти со алтернативен карактер.
• Плато
  Офицерскиот дом располага со две надворешни сценски локации, познати како „мало плато “ кое се наоѓа на северната страна и “големо плато“ кое се наоѓа на јужната страна од
  дворот на Офицерски дом. Овие сценски локации се место на оддржување на голем број на музичко – сценски, танцови, фестивалски, образовни и други јавни настани на отворено,
  во периодот од пролет па се до пречек на Нова година.