И официјално започна новата музичка сезона на НУ Камерен оркестар на Битола со романтична вечер на која беа изведени дела од: Антонин Дворжак, Јозеф Сук и Петар Илич Чајковски под диригентската палка на Владимир Димовски. Оние кои беа дел од привилегираната публика со себе понесоа длабоки импресии, зацврстувајќи го чуството дека Битола е град на културата. Оние кои ја немаа таа можност, ќе го очекуваат следниот концерт за кој се надеваме дека нема да чекаме долго.
