Не се случува често, наши ученици да ја претставуваат Македонија на големи светски манифестации како „Детската евровизија“. Овој пат таа чест и гордост им припадна на учениците од ОУ Даме Груев, Ана Ванчевска (14) и Алексеј Ивановски (13), со песната ,,Маратон”. Тие беа избрани на аудиција организирана од јавниот сервис МРТ. Нивните соученици, наставници, родители и бројни битолчани, минатата Сабота, организирано во Кристалната сала на Офицерскиот дом, преку видеобим го следеа настанот, давајќи гласна поддршка и гласајќи на поставениот линк. Голема радост, искуство и јакнење на колективниот дух кај младите.
