Со голема радост оваа година го одбележуваме Денот на пијаното во нашето училиште – ден посветен на инструментот кој инспирира, предизвикува и создава безброј музички приказни.
Околу 120 млади и надежни пијанисти ќе настапат со внимателно подготвена програма, во која ќе ја покажат својата посветеност, труд и љубов кон музиката. Преку различни стилови и епохи, ќе имате можност да уживате во искрени и музички зрели интерпретации.
Овој ден е повеќе од концерт – тоа е прослава на учењето, дисциплината и радоста што музиката ја носи.
Во рамки на програмата, од 13.30ч. ќе се одржи гостински концерт на училиштето “Тефта Ташко Кочо” од Корча, Р.Албанија, училиште со кое имаме долгогодишна меѓународна соработка и со чие што гостување допринесуваме за уште посвечено одбележување на овој Меѓународен ден на пијаното.
Ги покануваме сите љубители на музиката да ни се придружат и да ја споделат оваа убава атмосфера со нас.
