Кога на едно место ќе се спојат креативни млади луѓе, успешно спојувајќи го концептот на музичко- визуелното, засладено со силината на пишаниот збор, тогаш таквиот настан претставува празник за очи, уши и душа. Им честитаме на овие млади креативни луѓе кои ни покажаа дека младоста секогаш ја носи музата на креативноста со себе. Ви пренесуваме дел од атмосверата од мултимедијалниот настан „ Зборови, цртежи, песна…“. Да се потсетиме ,,Зборови, цртежи, песна“ е настан како дел од манифестацијата ,,Цртај на македонски јазик“, која има за цел преку различни културни активности да се поттикне создавањето на дела со употреба на македонскиот јазик од страна на младите уметници и независната културна сцена, неформални групи и автори од областа на културата. Преку овој проект се стимулира сè поголема употреба на македонскиот јазик од страна на локални автори и тоа преку културно-едукативни работилници, изработка на мурали, слики, литературно читање и рецитирање. Настанот е поддржан од Министерство за култура.
