Иако деновиве се чинеше дека празниците за миг го запреа културниот ритам, изминатите денови имавме бројни културни активности кои вреди да се споменат. Еден од тие настани е и традиционалниот „Божиќен концерт“, во организација на македонско-хрватското друштво и Хрватскиот културен центар “Марко Марулиќ”. Публиката имаше можност да проследи настап на млади изведувачи од Државното музичко училиште Битола, како и ученици и професори од Музичкиот одел на Основното училиште „Драгутин Тадијановиќ“ од Вуковар. Партнер и поддржувач на овој настан секако беше и нашата културна установа Културен и информативен центра Битола.
