Спротивно од очекувањата дека пред крајот на годината бројот на професионални настани природно ќе се намалува и одстапува место на предновогодишните случувања, најавуваме еден исклучителен настан кој веќе има традиција , а по своето значење и тема е со меѓународен карактер. Од 5ти до 7ми декември во Битола ќе се одржи 5-от Интернационален форум на филмските градови на УНЕСКО на тема Одржливи и еколошки практики во филмот и креативните индустрии. Форумот е дел од проектот Зелени филмски градови: зајакнување на одржливите креативни градови поддржан од УНЕСКО преку проектот „Култура и креативност за Западен балкан“, финансиран од Европската Унија и поддржан од Министерството за култура и туризам на Р. С. Македонија.
